सुनसरीमा आगलागी हुँदा डेढ करोडको क्षति

सुनसरीको हरिनगर गाउँपालिका वडा नम्बर–५ को बसन्तपुरमा शुक्रवार साँझ भीषण आगलागी हुदाँ डेढ करोड भन्दा बढीको क्षति भएको छ ।

हरिनगर गाउँपालिका वडा नम्बर–५ मा बसन्तपुरमा आगलागी पीडित परिवारलाई हरिनगर गाउँपालिकाको अध्यक्ष गफार अन्सारी मियाँको नेतृत्व टोलीले अग्निपीडित परिवारलाई राहत उपलब्ध गराएको छ ।

बसन्तपुरमा आगलागी भएको खबर पाउनका साथ पालिकाका अध्यक्ष अन्सारीले सो ठाउँमा पुगेका थिए । पीडित परिवारलाई सहयोग गर्ने आश्वासन दिएर फर्किएको केही घण्टामा नै राहत सामाग्री लिएर अग्निपीडितको घरमा गएर राहत उपलब्ध गराएका हुन् ।

पालिका अध्यक्ष अन्सारीले जनताको दुःखको घडीमा पनि सक्रियता देखाएर उनीहरुलाई राहत उपलब्ध गराएको हुदाँ उनीहरु खुशी भएका छन् । हरिनगर गाउँपालिकाका अध्यक्ष अन्सारीले उनीहरुको आवश्कता अनुसार राहत सामाग्री तत्काल उपलब्ध गराएको हो ।

शुक्रवार आगलागि हुदाँ ६ वटा भन्दा बढी घर जलेर नष्ट भएको छ भने धान, चामल,गहुँ र नगद सहित जलेर नष्ट भएको अगिनपीडितहरुले बताएका छन् ।

हरिनगर–५ बसन्तपुरका रमेश मण्डल, विवेक मण्डल, मोहन मण्डल, पशुपति मण्डल, तपेन मण्डल, पृथ्वीचन्द मण्डल, माधव मण्डल, सुरेश मण्डल र मैतोल देवी मण्डलको घरमा आगलागि हुदाँ डेढ करोड भन्दा बढीको क्षति भएको सुनसरी प्रहरीले जनाएको छ ।
अग्निपीडितहरुलाई हरिनगर गाउँपालिकाले जनही पाँच हजारको दरले उपलब्ध गराएको छ । उनहिरुलाई जनही चामल २५ केजी, चुरा ५ केजी, खानेतेल १ केजी, नुन १ केजी, भाडावर्तन १५ थान, कम्बल २ थान, झुल १ थान, मेट २ थान र भुजा १ पाकेट लागयतको सामाग्री उपलब्ध गराएको छ ।

यसैगरी सोही ठाउँमा नेपाल रेडक्रस सोसाइटी हरिनग्र उपशाखाले पनि अग्निपीडितहरुलाई राहत उपलब्ध गराएको छ । उनीहरुलाई जनही भाडावर्तन, त्रिपाल १ थान, कम्वल २ थान, पुरुष,महिला र बच्चालाई कपडा सेट, भुजा १ पाकेट उपलब्ध गराएको रेडक्रस हरिनगर उपशाखाका सभापति कृष्ण प्रसाद देवले जानकारी दिएका छन् ।
इनरुवा नगरपालिका र कोशी गाउँपालिकाबाट आएको बारुण यन्त्र र जनपथ प्रहरी, सशस्त्र प्रहरी, स्थानीयबासीको सहयोगमा आगलागीलाई नियन्त्रणमा लिएको थियो ।

Facebook Comments
छुटेकाहरू